Yonge
Yonge translates this together with the preceding text: read it at 3.62.
Latin · Latin text, ed. 1915
ex hoc nascitur ut etiam communis hominum inter homines naturalis sit commendatio, ut oporteat hominem ab homine ob id ipsum, quod homo sit, non alienum videri. ut enim in membris alia sunt tamquam sibi nata, ut oculi, ut aures, alia etiam ceterorum membrorum usum adiuvant, ut crura, ut manus, sic inmanes quaedam bestiae sibi solum natae sunt, at illa, quae in concha patula pina dicitur, isque, qui enat e concha, qui, quod eam custodit, pinoteres vocatur in eandemque cum se recepit includitur, ut videatur monuisse ut caveret, itemque formicae, apes, ciconiae aliorum etiam causa quaedam faciunt. multo haec coniunctius homines. itaque natura sumus apti ad coetus, concilia, civitates.
Latin text, ed. 1915 · CC BY-SA
Editor’s notes (9)
- etiam ut BE
- sunt N 2 sint
- alia Marsus aliqua ARN aliaque BE reliqua V
- bestie quedam BE
- in eandemque BE in eamque
- recepit cod. Glogav. recipit
- coniunctius homines Mdv. coniunctio est hominis
- consilia Non. civitatis Non. RV
- itaque ... civitatis ( v. 18 ) Non. p. 234