Yonge
Yonge translates this together with the preceding text: read it at 3.65.
Latin · Latin text, ed. 1915
Et quo modo hominum inter homines iuris esse vincula putant, sic homini nihil iuris esse cum bestiis. praeclare enim Chrysippus, cetera nata esse hominum causa et deorum, eos autem communitatis et societatis suae, ut bestiis homines uti ad utilitatem suam possint sine iniuria. Quoniamque ea natura esset hominis, ut ei cum genere humano quasi civile ius intercederet, qui id conservaret, eum iustum, qui migraret, iniustum fore. sed quem ad modum, theatrum cum commune sit, recte tamen dici potest eius esse eum locum, quem quisque occuparit, sic in urbe mundove communi non adversatur ius, quo minus suum quidque cuiusque sit.
Latin text, ed. 1915 · CC BY-SA
Editor’s notes (7)
- Et Sed Mdv.
- possint suam BE
- quoniamque quēque R
- ei Lamb. et ABEN om. RV
- migraret negaret A
- cum ut E
- quodque BE