Yonge
Yonge translates this together with the preceding text: read it at 3.1.
Latin · Latin text, ed. 1915
quaerendum est enim, ubi sit illud summum bonum, quod reperire volumus, quoniam et voluptas ab eo remota est, et eadem fere contra eos dici possunt, qui vacuitatem doloris finem bonorum esse voluerunt, nec vero ullum probetur ⟨oportet⟩ summum bonum, quod virtute careat, qua nihil potest esse praestantius. itaque quamquam in eo sermone, qui cum Torquato est habitus, non remissi fuimus, tamen haec acrior est cum Stoicis parata contentio. quae enim de voluptate dicuntur, ea nec acutissime nec abscondite disseruntur; neque enim qui defendunt eam versuti in disserendo sunt nec qui contra dicunt causam difficilem repellunt.
Latin text, ed. 1915 · CC BY-SA
Editor’s notes (2)
- probetur oportet C. F. W. Mue. probetur ut ABER probetur aut N probetur V
- potest dett. posset AERNV possit B